Miteinander bemühen. In unseren Artikeln wollen wir mehr als bisher auf örtliche Probleme eingehen. Gelegentlich werden wir - wie die Silberdisteln - stupfen und stechen. Diese Ziele gelten weiterhin. Auch in Zukunft möchten wir Sie regelmäßig über unsere Arbeit vor Ort, über die Ziele der SPD und über lokale Besonderheiten informieren. Über Ihre meist positiven Rückmeldungen haben wir uns gefreut und wünschen Ihnen auch mit dieser Jubiläumsausgabe viel Spaß beim Lesen.
Der Schultes gratuliert
Grußwort von Bürgermeister Ekkehard Fauth zum 100. Exemplar der Silberdistel:
Ao schao ghaird
Heiner: Dass ooser Schultes en fremde Revier wilderat, des woascht jö.
Frieder: Ha freue, weil deam gfallad die Bei-dräg vom Heiner ond vom Frieder en der Silberdischdl nämlich so saumäßig guat, nö höt der deegt, dass er ao amöl en deane ihr Roll neischlupfa keent.
Heiner: t woaß ao weaga was der des dao höt. Dean hen se nemlich gfrögt, ob er et so fraindlich sei keent ond zom honderdschda
Erscheina vo dr Silberdischdl a Gruaßword schreiba dat.
Frieder: Ond nö duat der des im Dialog vom Heiner ond vom Frieder? Ha dö semmr abr amöl gschbannt.
Heiner: Oas isch klar, dr Schultes höt sich alle schao erschienane nainaneizg Ausgaba von dr Silberdischdl seit sellam Erscheinung sjöhr Na-izeahahondartvierasiebazg bsorgt ond ufmerk-sam schdudiert.
Frieder: Seit Naizeahahondartvierasiebazg, des send jö siebnadreißg Jöhr, des isch aber a haufa Zeigs. Ja was moanscht ao was deam dö bsondrs gfalla höt.
Heiner: Guad isch nadirlich, dass d' Silberdischdl et bloß a oafachs Bardeiblättle isch, wo dr Ortsverei halt 's Bardeiprogramm vo Berlin nöchbäddaduad.
Frieder: Aber 's stannat doch ällaweil ao zor aktuella Bolidik Beidräg drenn!
Heiner: Ha des isch doch klar, dass des en so a Blättie oafach nei ghaert. Aber d* Silberdischdl isch em Flegga bäiebt ond wurd gearn gleasa, weil ao an haufa Lokalkolorit drenn isch.
Frieder: Ha du moanschd wohl dia Beitrag, die so iber Aidienga ond seine Ortsdoal als Perle des Heckagais komma sen.
Heiner: Dö höts ao schao an ganza Haufa endressande Sacha drenna ghet. Zom Bei-schbiel Beidräg iber oosre Bronna ond Quella, iber alde Holzhandelsweag, iber Grenzstoa, iber da Eigenart-Kunschdpfad uffam Venusberg oder sogar ao iber oosre Bachhäiser.
Frieder: Ond nadirlich et z vergessat, oosre Beitrag als Heiner ond als Frieder. l hao ghaert, dass d' Leut des ganz bsonders gern lesad, weil dö als ao zwischa de Zeila s Nu-ischde vom Flegga verkuddld wurd.
Heiner: Dö höschd nadürlich reacht, mir hen oos nadürlich ao schao iber die dollschde Denger aüsglao.
Frieder: Ja was moand iatzt ao ooser Schultes zur Silberdischdl?
Heiner: Du der liest regelmäßig oser Blättle ond fendets oafach guat. Ond gsaid hot'r an herzlichen Glickwonsch zum Honderdschda ond weiter so!
